Сёння пад вечар туды перакінулі некалькі соцень спецназаўцаў. Палац Украінскі дом стаіць на Еўрапейскай плошчы. Гэта ў тыле барыкадаў на вуліцы Грушэўскага.
Сёння ж міністр унутраных справаў заявіў, што МУС будзе разглядаць усіх, хто засталіся на Майдане, экстрэмістамі. Ён заклікаў дэманстрантаў перамясціцца ў любое іншае месца ў сталіцы і заявіў пра намер міліцыі вызваліць Майдан Незалежнасці і будынкі, занятыя дэманстрантамі.
У адказ дэманстранты забарыкадавалі будынак і распачалі яго штурм. Звіняць шыбы, з будынку на дэманстрантах ліюць ваду і кідаюць святлошумавыя гранаты. У сярэдзіну будынку паляцелі кактэйлі Молатава.
Праз пэўны час пасля пачатку штурму камендант Майдану дасягнуў дамоўленасці пра выхад сілавікоў з будынку. Для гэтага дэманстранты ўтварылі жывы калідор.