Знакамітаму расійскаму акцёру, народнаму артысту СССР Уладзіміру Зельдзіну споўнілася 99 гадоў. Ён сыграў мноства роляў у тэатры, а таксама ў такіх фільмах, як «Свінарка і пастух», «Карнавальная ноч», «Дзядзька Ваня», «Дзесяць негрыцянят» ды інш.
У. Зельдзіна павіншаваў з днём народзінаў прэм'ер Расіі Дзмітрый Мядзведзеў: «Вас, бліскучага акцёра, куміра некалькіх пакаленняў, лічаць рыцарам тэатра. Без малога 70 гадоў Вы пануеце на падмостках, цешыце прыхільнікаў драматычным талентам і незвычайнай музычнасцю, зараджаеце іх сваёй невычэрпнай энергіяй. Якую б ролю Вы ні сыгралі ў тэатры і ў кіно — усе яны пакідаюць яркі след у сэрцах гледачоў».
Уладзімір Зельдзін з'яўляецца найстарэйшым дзеючым акцёрам, а 7 кастрычніка 2013 г. ён узяў удзел у эстафеце алімпійскага агню, стаўшы самым узроставым удзельнікам за ўсю гісторыю алімпіядаў.
