Жывая трансляцыя з Кіева:
І яшчэ адна:
06:15
Яцанюк: Януковіч прапанаваў нам здацца
05:55
Сілавікі абкружылі Стэлу Незалежнасці ў Кіеве
05:35
Яцанюк, Клічко: Перамовы з Януковічам праваліліся, ён не гатовы, яго прапановы неадэкаватныя
03:01
Другі начны штурм адбіты, лічба забітых дэманстрантаў дасягнула
01:37
Новая атака спецназа з боку Еўрапейскай плошчы
23:27
У Львове некалькі сотняў чалавек захапілі будынак абласной адміністрацыі
23:25
Белы дом заклікаў Януковіча неадкладна сесці за стол перамоваў з апазіцыяй
22:54
Белы дом заклікаў Януковіча неадкладна пачаць перамовы з апазіцыяй
22.53
У крамах Кіева зніклі хлеб і прадукты першай неабходнасці
22.49
У каменданта Еўрамайдана здарыўся інсульт
22.48
Спецназ прарваў барыкады Майдану з боку Еўрапейскай плошчы
22.39
Дэпутат-рэгіянал: Цягам гадзіны Майдан будзе разагнаны
22.08
Абарвалася вяшчанне ўкраінскага незалежнага Пятага канала праз спадарожнік
22.07
Журналісты: на Майдане бачылі забітага
21.36
Паплечніца Януковіча агучыла ўльтыматум да ўкраінскай апазіцыі
21.33
Майдан спявае «Шчэ нэ вмэрла Украіна» падчас штурму
21.24
Пратэстоўшчыкаў на Майдане разганяюць вадамётамі
21.08
Штурм Майдану: абаронцы падпалілі адзін з БТРаў
20.55
Міліцыя пачала штурм Майдану. Штурму папярэднічала патрабаванне сілавікоў, звернутае да пратэстоўцаў: пакінуць Майдан для правядзення міліцыяй «антытэрарыстычнай аперацыі».
20.41
Жыхары Кіева спынілі і развярнулі БТР
20.16
Будуюцца новыя барыкады:
Музыка, нягледзячы ні на што. Удзельнік абароны Майдану грае на славутым жоўта-блакітным піяніна:
Пад вечар на вуліцах Кіева былі заўважаныя бронетранспарцёры:
Сілавікі, узброеныя аўтаматамі Калашнікава, у цэнтры Кіева:
20.14
Улады адключылі вяшчанне адзінага незалежнага 5 канала
20.06
20.03
19.25
У цэнтры Кіева — транспартны калапс
18.59
Прабіў час ультыматуму, выстаўленага дэманстрантам уладамі. На вуліцах спецназ, узброены аўтаматамі
18:35
Заўтра Януковіч сустрэнецца з лідарамі ўкраінскай апазіцыі. Пра гэта паведаміў старшыня Вярхоўнай Рады Уладзімір Рыбак.
18:28
Два нерухомыя целы (справа) ляжаць каля барыкады на Інстытуцкай:
«Беркут» на ганку Жаўтнэвага (Кастрычніцкага) палаца:
18:16
Лідар фракцыі «Бацькаўшчына» Арсеній Яцанюк заяўляе, што Майдан не адступіць.
Пра гэта ён сказаў са сцэны на Майдане.
«Ніякай панікі. Мы не адступім. Ні кроку назад. Гэта наша прастора свабоды, і мы будзем яе бараніць», - падкрэсліў Яцанюк.
На Майдане святары адслужылі малебен, які перыядычна перарываўся выступамі актывістаў. Са сцэны заклікалі ўсіх украінцаў ехаць на Майдан.
17:58
Некалькі сотняў салдатаў унутраных войскаў абклалі «Украінскі дом» у Кіеве, заняты пратэстоўцамі.
Адначасова байцы «Беркуту» атакавалі мітынгавальнікаў каля Жаўтнэвага (Кастрычніцкага) палаца.
Пратэстоўцы пабеглі да Майдану Незалежнасці.
Там часам «Беркут» закідвае намёты на Майдане «кактэйлямі Молатава» і разбірае барыкаду на вул.Інстытуцкай, якая аддзяляе яго ад Майдану.
17:54
На захадзе Украіны — у Львове, Тэрнопалі і Чарнаўцах — абвясцілі мабілізацыю на Майдан.
17:39
На барыкадзе на вулиці Інстытуцкай, каля ўваходу ў метро «Храшчацік», ляжыць нябожчык, перадае карэспандэнт УНІАН. Мінакі жахаюцца, а «Беркут» не звяртае ніякай увагі. Пад барыкаду падагналі вадамёт.
17:34
Медслужба Майдану заявіла, што ў сённяшніх сутычках з сілавікамі пацярпелі каля 150 актывістаў. Параненых і збітых дастаўляюць у Дом прафсаюзаў, дзе размешчаны Штаб нацыянальнага супраціву.
17:24
Кіеўскае метро спыніла рух. Пасажыраў просяць выходзіць са станцый.
17:19
Як паведамілі відавочцы «Українській правді», пратэстоўцы ўвайшлі ў будынак Кіеўскай гарадской дзяржадміністрацыі. Іх некалькі дзясяткаў чалавек, ахоўнікам, якія знаходзіліся ў будынку, дазволілі адтуль сысці.
Актывісты асцерагаюцца, што ў выпадку атакі «Беркута» яны не змогуць абараніць Майдан, а будынак можа стаць добрым апорным пунктам. Цяпер яны раяцца з лідарамі Майдана, ці варта займаць будынак КГДА зноў.
17:13
«Беркут» захапіў Еўрапейскую плошчу і гонць людзей на Майдан, паведамляе УНІАН.
Сілавікі падышлі да апошняй барыкады на вул. Інстытуцкай, што аддзяляе іх ад тэрыторыі Майдану. За барыкадай перагрупоўваюцца каля 5 тысяч пратэстоўцаў. Яны збіраюцца яе адстойваць.
17:07
МУС і Служба бяспекі Украіны заявілі, што даюць пратэстоўцам час да 18.00 (19:00 па мінскім часе), каб «спыніць беспарадкі». Лідараў апазіцыі яны заклікаюць супакоіць людзей і вярнуцца за стол перамоваў. У адваротным выпадку абяцаюць суцішыць пратэстоўцаў «усімі сродкамі, прадугледжанымі законам».
16:29
Дэманстранты кідаюць «кактэйлі Молатава» ў «Беркут»:
Гарыць брама каля Кіеўскай гарадской адміністрацыі:
Целы людзей у медпункце ў Доме афіцэраў:
Паранены дэманстрант:
Дэманстранты тараняць шэрагі сілавікоў грузавіком:
Дэпутаты Партыі рэгіёнаў спешна ўцякаюць з будынка ВР:
Параненыя і дэмаралізаваныя супрацоўнікі міліцыі:
15.55
15:42
На Грушэўскага мітынгоўцы і міліцыянты перайшлі да актыўных дзеянняў.
фота УНІАН
Міліцыя часам кідае ў актывістаў святло-шумавыя гранаты. У сваю чаргу мітынгоўцы актыўна выкарыстоўваюць петарды і час ад часу — «кактэйлі Молатава».
Таксама часам чуваць стрэлы з траўматычнай зброі. Абодва бакі закідваюць адзін аднаго камянямі.
Дзеянні пратэстоўцаў і міліцыі не носяць эскалацыйнага характару, хутчэй, гаворка можа ісці пра адзінкавыя сутычкі.
15:07
На Грушэўскага ўжылі вадамёты.
«Беркут» пайшоў у наступ па вуліцы Інстытуцкай ў бок Майдана Незалежнасці. Аднавілася бойка на рагу вуліц Інстытуцкай і Шаўкавічнай. У Марыінскім парку мітынгоўцы рыхтуюцца да новых магчымых сутыкненняў з міліцыяй.
Яны разбіраюць і расколваюць на кавалкі цэглу, якой брукаваны дарожкі ў парку, складаюць яе купкамі.
«Правы сектар» заклікаў уладальнікаў агнястрэльнай зброі выйсці на Майдан.
14:48
Мітынгоўцы працягваюць штурмаваць кардон міліцыі, які перакрыў вуліцу Шаўкавічную ў кірунку Вярхоўнай Рады Украіны.
Міліцыя закрылася шчытамі, у іх мітынгоўцы бесперапынна кідаюць камяні. На доме № 19- А зноў з'явіліся трое снайпераў. Акрамя таго, праваахоўнікі кідаюць у людзей гранаты са слёзацечным газам і адкрылі агонь з даху дома з траўматычнай зброі.
Таксама мітынгоўцы падпалілі грузавыя аўтамабілі, якія перакрываюць вуліцу Садовую ў кірунку ВР. Палонных міліцыянераў вядуць на Майдан.
14:44
На рагу Інстытуцкай і Шаўкавічнай у Кіеве пачаўся жорсткі разгон.
«Беркут» страляе ў натоўп. Па стане на 14:20 Беркут адціснуў людзей да Крэпаснога завулку.
14:25
«Беркут» пайшоў у атаку з боку вуліцы Шаўкавічнай у кірунку ад будынка Вярхоўнага Суда.
Мітынгоўцы адціснулі «беркутаўцаў» са скрыжавання вуліц Шаўкавічнай і Інстытуцкай, сутыкненні працягваюцца ў глыбіні вуліцы Шаўкавічнай, куды адступіў «Беркут». Мітынгоўцы ўзялі ў палон некалькіх міліцыянтаў.
13:59
Сутыкненні паміж актывістамі Майдана і міліцыянтамі ў Марыінскім парку Кіева спыніліся.
Міліцэйскі кардон адышоў углыб парку, бліжэй да намётаў прыхільнікаў Партыі рэгіёнаў.
Тым часам «Беркут» адціснуў мітынгоўшчыкаў ад офіса Партыі рэгіёнаў.
13:12
Тым часам на Грушэўскага, дзе зноў палаюць шыны, пакуль сітуацыя спакойная. Каля барыкад выстраіліся некалькі сотняў байцоў самаабароны ў поўнай амуніцыі. На дадзены момант ніводны з бакоў — ні байцы спецпадраздзяленняў з боку вуліцы Грушэўскага, ні мітынгоўцы з боку Еўрапейскай плошчы — не робяць нейкіх актыўных дзеянняў.
Таксама прадстаўнікі самаабароны перагарадзілі доступ да барыкадаў простым прахожым і мірным мітынгоўцам, якіх цяпер сабралася даволі вялікая колькасць на вуліцы Грушэўскага.
13:02
Клічко: Апазіцыя гатова сфармаваць урад
Апазіцыя гатова ўзяць на сябе адказнасць за фарміраванне новага ўрада ў краіне, але прэзідэнт Януковіч павінен абвясціць датэрміновыя выбары.
Пра гэта на брыфінгу ў Вярхоўнай Радзе Украіны заявіў лідар фракцыі «УДАР» Віталь Клічко.
Паводле яго слоў, выхадам з сітуацыі ў краіне могуць стаць датэрміновыя выбары.
«Прэзідэнт павінен абвясціць датэрміновыя выбары прэзідэнта і парламента… Зрабіце гэта, і гэта будзе выхадам і сітуацыі, гэта будзе мужным учынкам», — заявіў Клічко.
Ён звярнуўся да Януковіча таксама з заклікам прыбраць з вуліц Кіева «Беркут» і ўнутраныя войскі.
Апазіцыянер заклікаў Януковіча паўплываць на сваю фракцыю ў пытанні вяртання да Канстытуцыі 2004 года.
12:50
12:37
На вуліцы Шаўкавічнай у Кіеве пратэстоўцы падпалілі два грузавыя аўтамабілі «КамАЗ», якія блакавалі праезную частку.
Гараць кабіны і пярэднія колы аўтамабіляў. Вуліцу завалакло чорным дымам. Мітынгоўцы запускаюць «фаеры» і кідаюць камяні ў бок міліцыі. З боку міліцыі ўжо пад'ехала пажарная машына.
Амаль бесперапынна чуюцца выбухі на прылеглых да парламента вуліцах.
Пры гэтым на праўладным мітынгу каля ўключылі песню «Вставай, страна огромная». А ад «майданаўцаў» пасля загучала «Без бою» «Океана Ельзи» і Гімн Украіны.
12:35
На вуліцы Шаўкавічнай пацярпеў фотакарэспандэнт агенцтва Reuters, які ў грудзі трапіла святлошумавая граната, якая разарвала адзенне.
12:01
У супрацьстаянні на рагу вуліц Шаўкавічнай і Інстытуцкай у Кіеве з'яўляюцца пацярпелыя. Дзве жанчыны атрымалі траўмы гумовымі кулямі: адна ў вобласць сэрца, другая ў твар.
Як паведамлялася, большасць пратэстоўцаў — шараговыя грамадзяне, без экіпіроўкі, з жоўта-сінімі стужкамі.
У зоне падзей — дрэнная мабільная сувязь.
11:40
У Кіеве сёння праходзіць пасяджэнне Вярхоўнай Рады Украіны. Апазіцыя заблакавала трыбуну Рады ў знак пратэсту супраць адмовы старшыні парламента Уладзіміра Рыбака рэгістраваць праект пастановы аб вяртанні да Канстытуцыі 2004 года.
Разам з тым мітынгоўцы паспрабавалі блакаваць будынак ВР. На рагу Інстытуцкай і Шаўкавічнай і на вуліцы Ліпскай ідуць сутыкненні міліцыі і мітынгоўцаў.
Мітынгоўцы кідаюць камяні ў бок праваахоўнікаў, у адказ міліцыянты страляюць святлошумавымі гранатамі. Супраць мітынгоўцаў быў выкарыстаны слезацечны газ. Радыкалы шпурнулі ў спецназ кактэйль Молатава і падпалілі шыны на барыкадах.
Мітынгоўцы скандуюць: «Фашысты». Мітынгоўцы з вуліцы Садовай наступаюць на ланцугі міліцыі. У адказ міліцыя пачала страляць.
Між тым учора дэманстранты выканалі патрабаванні закона пра амністыю — разблакавалі рух на вуліцы Грушэўскага і вызвалілі будынкі абласных дзяржаўных адміністрацый.
Украінская апазіцыя працягвае стаяць на Майдане, каб захоўваўся сілавы ціск на Віктара Януковіча. Эканамічная сітуацыя застаецца вельмі складанай, дзяржава блізкая да банкруцтва, і ўкраінскае грамадства хоча засцерагчыся ад здачы Януковічам нацыянальнага суверэнітэту Расіі.
Сотні рублёў, каб эфектна даведацца пол будучага дзіцяці: беларусы робяць усё больш маштабныя гендар-паці3
Каментары