Прэс-сакратар прэзідэнта РФ Дзмітрый Пяскоў назваў «качкай» паведамленні аб тым, што прэзідэнт Украіны Віктар Януковіч нібыта папрасіў палітычнага прытулку ў Расіі.
«Гэта «качка», гэта інфармацыйная партызаншчына, інфармацыйная вайна», — сказаў Пяскоў у інтэрв'ю тэлеканалу «Дождь».
На пытанне, ці глядзіць Пуцін відэатрансляцыю падзей у Кіеве, якую ў гэтыя дні паказваюць усе сусветныя каналы, Пяскоў адказаў: «Пуцін у меншай ступені бачыць кадры (з Кіева) — у яго цяпер няма часу глядзець тэлевізар. Шмат у чым ён атрымлівае інфармацыю з розных каналаў».