Выцягнуць яго з вады Дзмітрый Яраш адзін не змог — яму спатрэбілася дапамога калег.
Шчупаку, у якім было 3 літры ікры і 8 кілаграмаў мяса, давалі рады ўтрох.
Мужчына працуе кабельшчыкам-спайшчыкам на Мінскай філіі РУП «Белтэлекам». Сур'ёзна зімовай рыбалкай ён захапіўся каля трох-чатырох гадоў таму, да гэтага рыбачыў у асноўным летам.
— Такі вялікі трафей у мяне ўпершыню, — дзеліцца Дзмітрый Яраш. — Раней маім асабістым рэкордам быў шчупак вагой 5200 грамаў, і таксама на зімовай рыбалцы. Паклёўкі я чакаў з раніцы, некалькі разоў памяняў жыўца — спачатку лавіў на акуня, потым на плотку. Пакуль яна падплыла да лункі, я гуляўся з ёй хвілін 15. Ведаеце, — дзеліцца ўражаннямі мужчына, — я б таго шчупака адзін не выцягнуў — такога ён быў памеру! Тады я паклікаў сваіх калег-рыбакоў, мы яе забагрылі і так трыма баграмі і трымалі. Ну і, акрамя таго, у яго пашча ў лунку не праходзіла. Давялося дадаткова яе свідраваць.
Пра злоўленага шчупака Дзмітрый кажа з гонарам. Паводле яго словаў, ён пабіў рэкорд ракі Гайны, які да гэтага дня трымаўся на адзнацы 13 кілаграмаў 800 грамаў.
— Гэта рэдкі экзэмпляр, — адзначае рыбак. — Па маіх падліках, рыбе каля 15 гадоў. Я гэта ведаю, таму што звычайна шчупак вырастае да васьмі-дзевяці кілаграмаў за 15 гадоў, а тут — самі бачыце. Дадому я яе пацягнуў у бульбяным мяшку, — дадае ён. Па словах суразмоўцы, калі ў вялікім мяшку ён прынёс рыбу дадому, жонка яму не паверыла.
— Я зайшоў у кватэру і адразу рыбу ў ванну паклаў. А жонка не паверыла — у яе быў шок, — смяецца Зміцер. — Яна мне кажа: «Гэта не шчупак! Такіх вялікіх не бывае!» З такой нагоды ў Лагойск з Мінска каля 22.00 прыехаў мой швагер. Хацеў на ўласныя вочы ўбачыць.
Дарэчы, па прызнанні жонкі Дзмітрыя Вольгі Яраш, гэта быў сапраўдны падарунак да Дня закаханых. З мяса рыбы Дзмітрый зрабіў фарш, ікру засаліў. А вось галаву пакіне для пудзіла, якое збіраецца зрабіць.
— Вы што, — кажа ён, — гэта такі трафей!
Цяпер чытаюць
Беларускі IT-мільярдэр Гурскі: Маю першую жонку забіў гемблер3
Каментары