Алімпійская чэмпіёнка ў эстафеце Алена Підгрушная пасля фінішу заявіла, што заўзятары на стадыёне паводзілі сябе неспартыўна.
«Прамаўчаць немагчыма. Упершыню ў жыцці бачыла такое, хоць звычайна расійскія заўзятары добра падтрымліваюць украінскіх спартсменаў — на трасе і на трыбунах. Заўсёды так жа радуюцца і хварэюць за нас, як і мы - за расійскіх.
Сёння мы бачылі, як расійскія заўзятары радаваліся промаху Валі Семярэнкі, як расійскія заўзятары крычалі нам па трасе, успамінаючы вайну, як крычалі «прамахніся, падайце» і гэтак далей.
Я бегла і не верыла ў тое, што такое могуць крычаць расійскія заўзятары. Гэта не тыя людзі, якія выходзяць на трасу і хварэюць за спорт.
Тыя крыкі і воклічы, якія былі на трасе проста не ўкладваюцца ў галаве. Адмаўляюся верыць у тое, што расійскія так могуць. А гэта факт», — адзначыла біятланістка.
«Гэта пачалося з першага этапу. Настолькі цяжка было перанесці. Расійскі бок, наадварот, павінен падтрымліваць ўкраінцаў. Ты бяжыш, цябе пакідаюць сілы, а табе ў спіну крычаць такое. Вядома, некаторыя падтрымлівалі. Дзякуй ім за гэта», — сказала Семярэнка ў эфіры «НТВ Плюс».