Кітай не ўмешваецца ва ўнутраныя справы Украіны і гатовы да працягу ўсебаковага ўзаемавыгаднага кітайска-ўкраінскага супрацоўніцтва.
Аб гэтым сказала ў панядзелак на рэгулярным брыфінгу афіцыйны прадстаўнік МЗС КНР Хуа Чуньін, перадае РІА Навіны.
«Мы паважаем выбар ўкраінскага народа, зроблены на аснове асаблівасцяў сітуацыі ў краіне. Мы разглядаем Украіну як важнага стратэгічнага партнёра і гатовыя падтрымліваць развіццё ўсебаковага супрацоўніцтва на аснове прынцыпаў роўнасці і ўзаемнай выгады», — сказала Хуа Чуньін.
Яна не стала каментаваць сітуацыю, звязаную з рашэннем Вярхоўнай Рады адхіліць Віктара Януковіча з пасады прэзідэнта Украіны, але заклікала бакі «вырашыць усе пытанні і ў самыя кароткія тэрміны дасягнуць палітычнай стабільнасці і аднаўлення грамадскага парадку ў рамках закона мірнымі спосабамі шляхам палітычных кансультацый».