«Януковіч можа запрасіць наша войска. Гэта будзе адпавядаць міжнароднаму праву», - Жырыноўскі.
Расія на законных падставах і ў адпаведнасці з міжнародным правам можа накіраваць у Украіну свае войскі, сцвярджае лідар ЛДПР Уладзімір Жырыноўскі ў Дзярждуме. «На месцы Януковіча я б дамовіўся з кіраўнікамі паўднёва-ўсходніх рэгіёнаў Украіны, папрасіў бы ў Расіі забяспечыць меры бяспекі для яго і абвясціць, што ён дзейны прэзідэнт. Януковіч сёння цалкам можа аднавіцца.
Яму не быць ужо прэзідэнтам ўсёй вялікай Украіны, але ён можа давесці справу да таго, каб не было выбараў 25 траўня.
Ён можа выратаваць сябе. Ён можа запрасіць нашу армію
< …>, таму што цяперашняя ўкраінская армія недзеяздольная», — сказаў сёння на прэс-канферэнцыі ў Дзярждуме лідар ЛДПР Уладзімір Жырыноўскі, адзначае «Цензор.НЕТ» са спасылкай на «Новы рэгіён».
Ён таксама падкрэсліў, што спікер Вярхоўнай Рады Аляксандр Турчынаў, прызначаны в.а. прэзідэнта Украіны, - гэта самазванец, а Януковіч з'яўляецца адзіным законным дзеючым прэзідэнтам, перадае РІА «Навіны».
«Калі мы выкарыстоўваем нашы ваенныя сілы па просьбе Януковіча, гэта будзе цалкам адпавядаць міжнароднаму праву.
Мы маем права накіраваць туды войскі для аховы нашага Чарнаморскага флоту.
Януковіч — законны прэзідэнт. Ён павінен быць на Украіне, і
ён мае права звярнуцца па дапамогу. Напрыклад, заключыць дамову з Расіяй аб падтрымцы», — сказаў Жырыноўскі.
Ён таксама паведаміў, што ЛДПР гатовая, калі спатрэбіцца, адправіць на паўднёвы ўсход Украіны атрады добраахвотнікаў.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары