У Маскве сумняюцца ў легітымнасці дзеянняў Вярхоўнай Рады Украіны.
Пра гэта заявілі ў МЗС РФ.
« Выклікаюць глыбокую занепакоенасць з пункту гледжання легітымнасці дзеянні ў Вярхоўнай Радзе», — гаворыцца ў заяве.
«Спасылаючыся фактычна толькі на «рэвалюцыйную мэтазгоднасць», там штампуюць «рашэнні» і «законы», у тым ліку скіраваныя на тое, каб прыгнятаць гуманітарныя правы рускіх і іншых нацыянальных меншасцяў, якія пражываюць ва Украіне», — заявілі ў Маскве.
У расійскім МЗС кажуць, што ў Радзе «гучаць заклікі да амаль поўнага забароны рускай мовы, люстрацыі, ліквідацыі партый і арганізацый, закрыцця непажаданых СМІ, зняцця абмежаванняў на прапаганду неанацысцкай ідэалогіі».
«Узяты курс на тое, каб дыктатарскімі, а часам і тэрарыстычнымі метадамі здушыць нязгодных у розных рэгіёнах Украіны», — заявілі у Маскве.
Акрамя таго, працягнулі ў расійскім дыпведамстве, ва Украіне пачалі раздавацца пагрозы адносна праваслаўных святыняў.
«Такое развіццё падзей падрывае Пагадненне ад 21 лютага, дыскрэдытуе яго ініцыятараў і гарантаў, стварае пагрозу грамадзянскага міру, стабільнасці грамадства і бяспекі грамадзян», — падкрэсліваецца ў заяве.