Расійскі «Першы канал» распавядае аб «узмацненні патоку мігрантаў з Украіны ў Расію», а ілюструе гэтыя паведамленні чэргамі аўто на мяжы з Польшчай.
Адпаведны сюжэт быў паказаны ў эфіры ў нядзелю.
Як паведамляецца ў сюжэце, за апошнія два тыдні «уцякаючы ад беспарадкаў» з Украіны ў Расію выехала ўжо каля «140 тысяч чалавек».
Кадр з рэпартажу.
Пры гэтым
у сюжэце паказаная чарга аўто на прапускным пункце «Шэгіні-Медыка», які знаходзіцца на мяжы Украіны і Польшчы.
Як напісаў грамадскі актывіст Віталь Уманец,
на ўкраінска-расійскай мяжы ўсё спакойна, ніякіх чэргаў або ажыятажу не назіраецца.
Сітуацыя на мяжы з Расеяй.
У апошнія дні большасць расійскіх СМІ распаўсюджваюць масу ілжывых паведамленняў аб сітуацыі ва Украіне.
У прыватнасці, іх злавілі на хлусні пра тое, што ўкраінскія вайскоўцы ў Крыме масава складаюць зброю і прымаюць расійскае грамадзянства.
У кіраўніцтве Узброеных сілаў Украіны запэўнілі, што ўсе вайскоўцы ў Крыме верныя сваёй прысязе і будуць адстойваць інтарэсы ўкраінскага народа да апошняга патрона.
