Паміж канцлерам Германіі Ангелай Меркель і прэзідэнтам РФ Уладзімірам Пуціным адбылася тэлефонная размова па Украіне. Пра гэта паведамляе прэс-служба Крамля.
Падчас размовы Меркель выказала занепакоенасць развіццём падзей ва Украіне ў цэлым і ў прыватнасці ў Крыме. У адказ Пуцін расказаў ёй пра тое, што бачыць у Крыме пагрозу для расійскіх грамадзян.
«Адзначана, што меры, якія прымае Расія, цалкам адэкватныя экстраардынарнай сітуацыі», — заявілі ў Крамлі.
Пуцін і Меркель дамовіліся працягнуць кансультацыі як у двухбаковым (па лініі замежнапалітычных ведамстваў), так і ў шматбаковых фарматах.
0
0
0
0
0
0
