Былы прэзідэнт Украіны Віктар Януковіч 11 сакавіка ў Растове-на-Доне выступіць з новай заявай. Дакладныя месца і час выступу пакуль невядомыя.
Пра гэта паведамляе lenta.ru са спасылкай на «Інтэрфакс», які спасылаецца, у сваю чаргу, на крыніцу ў атачэнні палітыка.
Украінскага прэзідэнта адхіліла ад улады Вярхоўная Рада 22 лютага, ён збег у Расію. Але Масква лічыць Януковіча законным кіраўніком дзяржавы.
Ён праводзіў прэс-канферэнцыю 28 лютага ў Растове, і з таго часу пра яго не было чуваць. Выказваліся нават здагадкі, што ён моцна хворы.
0
0
0
0
0
0
