Расія рыхтуе закон, каб перацягваць праграмістаў з суседніх краін
Расійскі кабінет міністраў разгледзіць праект закона, які спрашчае працэдуру прыцягнення высокакваліфікаваных замежных спецыялістаў расійскімі IT-кампаніямі.
Як паведамляецца на афіцыйным сайце ўрада, унесены Мінкамсувязі дакумент быў ухвалены праўкамісіяй па законапраектнай дзейнасці.
Ва ўрадзе адзначылі, што ў адпаведнасці са Стратэгіяй развіцця галіны інфармацыйных тэхналогій у РФ на 2014—2020 гады і на перспектыву да 2025 года і «дарожнай картай» «Развіццё галіны інфармацыйных тэхналогій», законапраектам прапануецца ўсталяваць мінімальны парог аплаты працы высокакваліфікаванага замежнага спецыяліста на ўзроўні 1 млн рублёў у год у мэтах спрошчанага прыцягнення такіх работнікаў у IT-кампаніі. Для гэтага прапануецца ўнесці адпаведныя змены ў падпункт 1 п.1 ст.132 закона «Аб прававым становішчы замежных грамадзян у Расійскай Федэрацыі».
«Наяўны парог заработнай платы для высокакваліфікаваных замежных работнікаў у памеры 2 млн рублёў у год (каля 167 тыс. рублёў у месяц) з'яўляецца для IT-кампаній занадта высокім», — падкрэсліваюць у Кабінеце міністраў.
Там разлічваюць, што «прыняцце праекта федэральнага закона будзе спрыяць скарачэнню дэфіцыту высокакваліфікаваных спецыялістаў у галіне інфармацыйных тэхналогій».
Каментары