Гэта першае ў свеце выданне такога кшталту.
Для аўтара новай кнігі развядзенне вожыкаў — хобі. Беларускамоўны праграміст з Шабаноў Міхаіл Дзятлік кажа: «Кніга цалкам грунтуецца на маім уласным досведзе, гэта робіць яе ўнікальным праектам. Другая адметнасць гэтага дапаможніка — што ён апісвае спосабы развядзення менавіта беларускіх вожыкаў, якія, як вядома, больш драпежныя за заходнееўрапейскіх ці скандынаўскіх. Я захапляюся гэтым хобі апошнія чатыры гады. Такі занятак асабліва карысны для праграмістаў і офіснага перасанала, якія шмат часу праводзяць за камп'ютарам».
Кніга падзяляецца на тры часткі.
Частка першая апісвае павадкі беларускіх вожыкаў.
Другая частка — бясшкодныя спосабы адлову вожыкаў.
Трэцяя частка прысвечана прыручэнню і гадаванню вожыкаў.
Павал Касцюкевіч, арт-дырэктар кнігарні «логвінаЎ», кажа: «Нам спадабалася ідэя Міхаіла. Па-мойму, кніга будзе вельмі карысная для беларускамоўнай грамады. З яе дапамогай людзі будуць лепш ведаць і разумець родную прыроду».
Кніга карыстаецца вялікім попытам, за першы дзень было продана чатыры асобнікі, што даволі шмат па цяперашнім часе.
Афіцыйная прэзентацыя выдання павінна адбыцца на наступным тыдні.
* * *
Гэты артыкул быў апублікаваны 1 красавіка як жарт.
