Вакол Славянска з'явіліся ўкраінскія спецназаўцы. Фота novosti.dn.ua.
Сепаратысты ў Славянску. Фота Ройтэрз.
Блокпост сепаратыстаў у Славянску ліквідаваны. Фота Ройтэрз.
У Славянску пачалася антытэрарыстычная аперацыя пад кіраўніцтвам СБУ, да аперацыі прыцягнуты сілы ўсіх сілавых падраздзяленняў Украіны.
«Пачалася АТА [антытэрарыстычная аперацыя] ў Славянску. Кіруе АТЦ СБУ Украіны. Прыцягнуты сілы з усіх сілавых падраздзяленняў краіны. З Богам!», — напісаў на сваёй старонцы ў Facebook міністр унутраных спраў Украіны Арсен Авакаў.
Крыху пазней у каментары да гэтага запісу Авакаў паведаміў: «Перадавайце усім цывільным сысці з цэнтра горада — не выходзіць з кватэр, ня падыходзіць да вокнаў.
Сепаратысты адкрылі агонь на паражэнне ў бок спецназа без папярэджання…»
«У горадзе чуваць страляніна, у паветры баражуюць верталёты», — перадае карэспандэнт РІА Навіны з месца падзей.
Фота instagram.com/p/mt99xomlBv/
19:30
18:30
Байца Альфы ў Славянску расстралялі з аўто ахоўнай фірмы.
13:30
У Данецкай вобласці ў ходзе антытэрарыстычнай аперацыі ў Славянску і Славянскім раёне адзін чалавек загінуў і 9 параненыя, паведамляе УНІАН.
Паводле паведамлення, 5 чалавек атрымалі агнястрэльныя раненні ў г. Славянску падчас контртэрарыстычнай аперацыі, акрамя таго, на трасе «Растоў—Харкаў» паміж гарадамі Славянск і Арцёмаўск зараз працягваецца ўзброенае супрацьстаянне, падчас якога па стане на 12.30 адзін чалавек загінуў і 4 атрымалі раненні. Пра тое, колькі пацярпелых з кожнага з бакоў, пакуль не ўдакладняецца.
Выезд са Славянску на трасу «Растоў—Харкаў». Тут ад агнястрэльнага ранення загінуў чалавек. Фота twitter.com/GrishynUA
12:30
Мэр Славянска Неля Штэпа збегла ў суседні горад, сепаратысты абвінавачваюць яе ў здрадзе.
12:14
Міністр МУС Арсен Авакаў паведаміў, што ў ходзе антитерористической аперацыі параненыя 5 сілавікоў:
«Славянск. Забітыя і параненыя з абодвух бакоў. З нашага боку — афіцэр СБУ. Паранены кіраўнік АТЦ СБУ і яшчэ чацвёра. З боку сепаратыстаў — неўстаноўленая колькасць.
Сепаратысты пачалі прыкрывацца жывым шчытом з мірнага насельніцтва».
«Ідзе перагрупоўка сіл», дабаўляе Авакаў.
12:00
Большая частка Славянска вызвалена ад расійскіх спецназаўцаў, паведамляюць «Навіны Данбаса».
Ліквідаваны блок-пост сепаратыстаў у Славянску. Фота novosti.dn.ua.
11:50
Крыніца УНІАН: Па словах суразмоўцы агенцтва, па папярэдняй інфармацыі, адзін праваахоўнік забіты, двое параненыя.
11:06
Блокпост сепаратыстаў на ўездзе ў Славянск з боку Краматорск знішчаны, паведамляюць «Навіны Данбаса».
Таксама паведамляецца, што ідзе ліквідацыя яшчэ аднаго блокпаста пры ўездзе ў Славянск з боку Харкава.
10.20
«На гэты час з нашага боку ёсць трое пацярпелых. Пра страты з боку праціўніка дадзеных няма», —
напісаў кіраўнік цэнтра ваенна-палітычных даследаванняў Дзмітрый Тымчук на сваёй старонцы Facebook.
Іншыя крыніцы паведамляюць і аб трох пацярпелых з боку праціўніка.
