Прэм'ер-міністр Расіі змясціў недвухсэнсоўныя пагрозы ў сваім фэйсбуку. Прыводзім іх даслоўна.
Reuters.com
«Ва Украіне зноў пралілася кроў. Краіна ў прадчуванні грамадзянскай вайны. Гэта вельмі сумна. Прычына ўкраінскай трагедыі ў тым, што законная ўлада нават не спрабавала захаваць правапарадак у рэгіёнах краіны, калі там пачаліся захопы адміністрацыйных устаноў. Таму такую ўладу памножылі на нуль.
А нелегітымныя кіраўнікі, насупраць, спадзяюцца аднавіць той парадак, які яны самі цынічна патапталі, прыйшоўшы да ўлады ў выніку ўзброенага мяцяжу.
І наступаюць на свае ж граблі. Дзеянне спарадзіла супрацьдзеянне. Дзяржаўнае злачынства (пераварот у Кіеве) — народныя пратэсты ў рэгіёнах. Ланцуговая рэакцыя падзей. Палітычных і эканамічных.
Але самае галоўнае — іншае.
Шкада людзей, якія апынуліся закладнікамі бяздарных палітыкаў якіх яны не выбіралі, і безадказных радыкалаў, якія замянілі сабой паліцыю і войска. Пустэчу ўлады запоўніў хаос. Але няма ліха без дабра. Зараз шматлікім людзям сталі зразумелыя сапраўдныя намеры асоб, якія захапілі ўладу ў Кіеве.
А значыць — стаў бачны шлях да справядлівага грамадства. Ён у тым, каб народ мог сам выбіраць свой лёс. Выказваць сваю волю легальнымі спосабамі».
Удзельнічаць у фарміраванні сучаснай украінскай дзяржавы, заснаванай на роўнасці народаў і іх моў.
Менавіта самім. Без самазванцаў, нацыяналістаў і бандытаў. Без танкаў і БТР. І без таемных візітаў дырэктара ЦРУ…
