Лідар ЛДПР Уладзімір Жырыноўскі назваў слабасцю рашэнне ўкраінскіх уладаў аб уключэнні больш за сто расіян, у тым ліку яго самога, у спіс тых, каму забаронены ўезд ва Украіну.
Жырыноўскі сёння прыйшоў у Дзярждуму ў вайсковай форме, ria.ru
«Гэта паказвае слабасць. Дэмакратыя — гэта свабоднае перамяшчэнне грамадзян. Калі ім не падабаюцца мае думкі, тады навошта яны перайшлі да дэмакратычнага ладу жыцця, калі ім нечыя думкі не падабаюцца. Гэта смешна», — заявіў палітык перад пленарным пасяджэннем Дзярждумы.
«Я Амерыку паліваю кожны дзень, але ніколі ЗША мяне ні ў якой спіс не ўносілі і ніколі ў візе не адмаўлялі», — адзначыў дэпутат.
15 красавіка Жырыноўскі прыехаў на пленарнае пасяджэнне Думы ў камуфляжнай форме.
«Я сёння апрануў форму, якую магу па законе насіць, — палкоўніка, бо я бачу, як ваенная хунта ў Кіеве пераапранулася. І Турчынаў, і іншыя былыя цывільныя — ім далі камуфляж «, - патлумачыў лідар ЛДПР.
