«НАТА адпраўляе караблі ў Балтыйскае мора для актывізацыі абароны сваіх ўсходнееўрапейскіх саюзнікаў», — гаворыцца ў заяве Альянсу.
У цэлым на Балтыку будзе адпраўлена шматнацыянальная група з чатырох мінных тральшчыкаў і аднаго судна забеспячэння. Гэта марская група хуткага рэагавання з караблёў Нарвегіі, Нідэрландаў, Бельгіі і Эстоніі.
Акрамя таго, Канада адправіць у Польшчу шэсць знішчальнікаў Каралеўскіх ВПС краіны CF-18 і 20 штабных афіцэраў. Пра гэта паведаміў канадскі прэм'ер-міністр Стывен Харпер.
«Гэта з'яўляецца адказам на развіццё сітуацыі, шчыра кажучы, на нашу занепакоенасць экспансіянізмам і мілітарызмам з боку Расіі падчас прэзідэнцтва Уладзіміра Пуціна», — заявіў Харпер.
Раней Рада НАТА ў Брусэлі ўхваліла пакет мер па ўзмацненні бяспекі дзяржаў Альянсу ва Усходняй Еўропе з прычыны сітуацыі ва Украіне.
