Грамадская палата Расіі прапануе ўвесці санкцыі ў дачыненні да ўкраінскіх дзяржаўных і грамадскіх дзеячаў, у чыіх закліках нібыта магла быць дыскрымінацыя рускамоўных.
Пра гэта гаворыцца ў распаўсюджанай у пятніцу ГП заяве па выніках грамадскіх слуханняў па пытаннях абароны правоў чалавека нва Украіне.
У дакуменце падкрэсліваецца «недапушчальнасць прымянення неадэкватных сілавых мер у дачыненні да грамадзянскага насельніцтва паўднёва-ўсходніх рэгіёнаў Украіны»
Таксама Грамадская палата Расіі заклікае сусветную супольнасць рашуча асудзіць «масавыя парушэнні правоў асобы і злачынныя гвалтоўныя дзеянні» ўрада Украіны ў дачыненні да ўдзельнікаў акцый пратэсту на паўднёвым усходзе Украіны.
На слуханнях абмяркоўваліся прамежкавыя вынікі праваабарончага маніторынгу ў паўднёва-ўсходніх рэгіёнах Украіны, заснаванага, паводле заявы, на выніках працы камітэта ў абарону правоў асобы ва Украіне, рабочай групы ГП па маніторынгу сітуацыі ў гэтай краіне, на аналізе зваротаў грамадзян у каардынацыйны штаб ОП па аказанні дапамогі жыхарам Украіны і разглядзе «канкрэтных фактаў парушэнняў правоў грамадзян».
Удзельнікі слуханняў выступілі за пачатак рэальнага дыялогу па мірным урэгуляванні канфлікту ў паўднёва-ўсходніх абласцях Украіны з прыцягненнем міжнародных пасярэднікаў.
У ГП лічаць неабходным «накіраваць матэрыялы па фактах парушэнняў правоў грамадзян на тэрыторыі Украіны ў камісію ААН па правах чалавека», Міжнародны суд ААН, АБСЕ, іншыя міжнародныя праваабарончыя арганізацыі.
Прапанавана падрыхтаваць і прыняць сумесную заяву ГП, Савета пры прэзідэнце РФ па развіцці грамадзянскай супольнасці і правах чалавека і Упаўнаважанага па правах чалавека ў РФ для далейшага накіравання ўдзельнікам Жэнеўскага пагаднення ад 17 красавіка 2014 г. па Украіне (Расія, ЗША, ЕС, Украіна).
ГП прапанавала таксама сфармаваць спіс з ліку ўкраінскіх дзяржаўных і грамадскіх дзеячаў, у чыіх выступах ўтрымліваюцца заклікі дыскрымінацыйнага характару ў дачыненні да рускамоўнага насельніцтва Украіны, якія маюць дачыненне да прыняцця рашэнняў аб абмежаванні ўезду расійскіх грамадзян ва Украіну і «пра ўжыванне ваеннай сілы супраць грамадзянскага насельніцтва», «на прадмет разгляду пытання аб увядзенні ў дачыненні да іх санкцый».
