Удзельніца шоу Britain's Got Talent (Брытанія мае талент) Лэціс Раўботэм і яе калектыў High On Heels выступілі на вяселлі малодшай дачкі прэзідэнта Расі Уладзіміра Пуціна, піша The Daily Mirror. Па словах скрыпачкі, за працу ёй заплацілі £200.
Сцвярджаецца, што трохдзённая вясельная цырымонія праходзіла ў элітным гатэлі La Mamounia ў Маракешы. Менавіта там ўзялі шлюб 27-гадовая Кацярына Пуціна і 28-гадовы Юн Джун Вон, гаворыцца ў артыкуле.
«Гэта было сапраўды весела, такі надзвычайны досвед. У той час гэта з'яўлялася топ-сакрэтам, мы не маглі нікому паведаміць пра тое, што робім», — распавяла Раўботэм.
Газета дадае, што вяселле было «ў расейскіх традыцыях «і што цырымонію наведалі некалькі персон міжнароднага маштабу»
0
0
0
0
0
0
