Чэлябінская зброевая майстэрня «Арт-Грані» выпусціць памятныя манеты з партрэтам расійскага прэзідэнта Уладзіміра Пуціна.
Манеты будуць выпушчаныя ў гонар далучэння Крыма да Расіі. На аверсе кожнай з манет будзе намаляваны барэльеф Пуціна.
«У гонар далучэння Крыма да Расіі майстры прыступілі да выпуску серыі памятных манет вагай 1 кілаграм і памерам з далонь. Калекцыя «Крым-2014» будзе складацца з 25 срэбных і пазалочаных манет. Першая будзе гатовая ўжо ў сераду», — растлумачыў прадстаўнік арганізацыі.
На адваротным баку манеты таксама будзе намаляваны контур Крымскага паўвострава. «Мы ўдакладнялі з нагоды законнасці малюнка — ніякага крыміналу тут няма, гэта не забаронена», — удакладніў ён.
0
0
0
0
0
0
