У Расіі могуць заблакаваць замежныя інтэрнэт-сэрвісы, калі яны не будуць захоўваць дадзеныя карыстальнікаў на тэрыторыі краіны.
Пра гэта гаворыцца ў адпаведным законе, які Дзярждума прыняла ў межах «антытэрарыстычнага пакета» ў аўторак у трэцім чытанні.
Паводле тэксту гэтага закона, замежныя інтэрнэт -сэрвісы электроннай пошты і абмену імгненнымі паведамленнямі будуць абавязаны разам з расійскімі кампаніямі забяспечваць захоўванне дадзеных аб актыўнасці карыстальнікаў на працягу паўгода і абавязкова на тэрыторыі Расіі. Паводле ацэнкі экспертаў, калі замежныя кампаніі адмовяцца выконваць новы закон, доступ да іх сэрвісаў у Расіі можа быць заблакаваны.