Вучэнні праходзяць на палігоне пад Барысавам.
21 красавіка асобны танкавы батальён 11-й гвардзейскай асобнай механізаванай брыгады завяршыў разгрузку тэхнікі і ўзбраення батальёна, які прыбыў у складзе воінскага эшалона на чыгуначную станцыю разгрузкі Барысаў і да канца дня знаходзіўся ў прызначаным раёне на 227-м агульнавайсковым палігоне Барысаўскі. Частка сіл батальёна ў складзе двух калон аўтамабільнай тэхнікі здзейсніла марш і таксама знаходзілася ў раёне,паведамляе прэс-служба Міністэрства абароны.
Авіяцыйнае прыкрыццё аўтамабільных калон у ходзе маршу і станцыі разгрузкі Барысаў ажыццяўлялася сіламі двух верталётаў Мі-24 181-й баявой верталётнай базы і аднаго Мі-8 50-й змяшанай авіяцыйнай базы.
Па прыбыцці ў названы раён было арганізавана выкананне першачарговых мерапрыемстваў па расстаноўцы і маскіроўцы ўзбраення, ваеннай і спецыяльнай тэхнікі, ахове раёна, а таксама адпачынак асабістага складу.
Сёння на працягу дня асабісты склад танкавага батальёна 11-й гвардзейскай асобнай механізаванай брыгады ажыццяўляе размяшчэнне ў раёне знаходжання, выконвае мерапрыемствы ўсебаковага забеспячэння, інжынернае абсталяванне паласы адказнасці.
Задачы па вядзенні інжынернай выведкі раёна выканання вучэбна-баявых задач, пляцоўкі высадкі дэсанту, а таксама ўдасканаленне фартыфікацыйнага абсталявання паласы адказнасці батальёна, рамонт і ўтрыманне шляхоў руху выконваюцца сіламі рухомых інжынерных груп 2-й і 188-й інжынерных брыгад.
Нагадаем, ва Узброеных Сілах Беларусі працягваецца праверка боегатоўнасці, распачатая са студзеня бягучага года па даручэнні Лукашэнкі. Першыя два месяцы выпрабоўвалася гатоўнасць органаў кіравання, сегмента супрацьпаветранай абароны, а таксама органаў кіравання і падраздзяленняў тэрытарыяльнай абароны. Пасля гэтага правяралася адзіная рэгіянальная сістэма СПА Беларусі і Расеі.