У Гомелі 19 мая праваахоўнымі органамі затрыманыя два намеснікі Гомельскага аблвыканкама. Пра гэта паведаміў на брыфінгу ў Гомелі першы намеснік старшыні Следчага камітэта Беларусі Аляксей Волкаў.
odsgomel.org
Паводле яго слоў, Следчым камітэтам праводзяцца працэсуальныя дзеянні па крымінальнай справе, што расследуецца ў дачыненні да затрыманых службовых асоб Гомельскага аблвыканкама.
Крымінальная справа аб злоўжыванні ўладай і службовымі паўнамоцтвамі заведзена генеральным пракурорам Беларусі па матэрыялах галоўнага ўпраўлення па барацьбе з арганізаванай злачыннасцю і карупцыяй МУС. Падазраваныя даюць паказанні следчым.
Дзеянні службовых асоб кваліфікаваныя па частцы 3 артыкула 424 Крымінальнага кодэкса РБ.
Абставіны ўчыненага злачынства і прозвішчы затрыманых не выдаюцца.
