У Мінску хлопца асудзілі на 15 сутак за раздачу ежы бедным
У Мінску, у судзе Партызанскага раёна, 19 мая прайшоў суд над Алесем Курцам, затрыманым 17 мая падчас раздачы ежы бедным у межах традыцыйныай акцыі «Ежа замест бомб».
Сведка з РУУС блытаўся ў паказаннях, не мог узгадаць, у што быў апрануты Курэц падчас затрымання, дзе была прапаркаваная машына, адказвае: «Гэта да справы не адносіцца». Зараз у судзе абвешчаны перапынак.
12:38
Алесь Курэц асуджаны на 15 сутак (нібыта за лаянку).
Яшчэ адзін сведка таксама блытаўся ў паказаннях. Курца прыйшлі падтрымаць каля 20 чалавек, але многіх не пусцілі ў залу суда, бо яны былі ў шортах (непаважнае стаўленне да суда).
***
Акцыі раздачы ежы адбываліся зімой штотыдзень у трох кропках горада: бяздомнікаў рэгулярна падкармлівалі бясплатнай ежай, але ўжо тады, зімой, актывісты адчулі на сабе ціск.
У суботу былі затрыманыя некалькі чалавек (у Міхайлаўскім скверы і парку Сімона Балівара), іх адвезлі ў пастарунак, праз 3 гадзіны выпусцілі ўсіх, акрамя Алеся Курца.
Цяпер чытаюць
«Падняў бы ж*пу, праехаў па магазінах». Праўладная блогерка абрынулася на Азаронка за хлусню пра бульбу12
Каментары