У Ялце з украінскай школы-гімназіі, выпускнікі якой на апошнім званку спявалі гімн Украіны замест расейскага, звальняюць дырэктара і ўсіх педагогаў. Аб гэтым паведамляецца на старонцы «Європейська Україна» у Фэйсбуку.
Там апублікаваны ліст аднаго з выпускнікоў, які ўжо выехаў з анэксаванага Крыму. «Маіх аднакласнікаў, якія засталіся ў Ялце, прымушаюць прыходзіць у школу і пісаць тлумачальныя запіскі, чаму мы спявалі. Настаўнікаў і дырэктара школы звальняюць ў гэтую хвіліну. Усіх», — гаворыцца ў лісце.
Выпускнік дадаў: «Ніхто не ведаў, што мы будзем спяваць! А мы, у сваю чаргу, спявалі свядома. Мы патрыёты Украіны і заўсёды імі былі».
Відэазапіс, на якім выпускнікі, пачуўшы гукі расійскага гімна, пачынаюць замест яго спяваць украінскі, з'явілася ў інтэрнэце 1 чэрвеня. Педагогі, ідучы насустрач вучням, выключылі запіс і паставілі замест яго запіс гімна Украіны.
