Луганскі памежны атрад зноў акружыла вялікая колькасць узброеных людзей, у тым ліку расейскія так званыя «казакі».
Як паведамляе Дзяржаўная памежная служба, вось-вось можа пачацца новы штурм.
«Вакол Луганскага памежнага атрада зноў сабралася вялікая колькасць узброеных асоб, у тым ліку расейскія так званыя «казакі». Яны ўзброеныя цяжкай зброяй — мінамётамі, гранатамётамі РПГ, буйнакалібернымі кулямётамі», — паведамляе ведамства.
«Фактычна з хвіліны на хвіліну можа пачацца штурм гэтага падраздзялення як акт помсты за тое, што памежнікі не склалі зброю і не здаліся і працягваюць выконваць свае абавязкі», — гаворыцца ў паведамленні.
Сяргей Панамароў ў Твітары паведамляе, што тэрарысты-сепаратысты нібыта патрабуюць ад памежнікаў здацца да 18 гадзін аўторка.
Дзяржаўная памежная служба Украіны абвяргае, што тэрарысты ўзялі Луганскі пагранічны атрад пасля чарговага штурму.
Таксама ў ведамстве абвяргаюць інфармацыю аб тым, што памежнікі вылучалі «ультыматум» кіраўніцтву антытэрарыстычнай аперацыі з нагоды перакідвання памежнікаў з іншых участкаў на згаданы атрад у выпадку непрадастаўлення падмогі:
«Гэтая інфармацыя таксама не адпавядае рэчаіснасці. Ніякіх афіцыйных ультыматумаў ні кіраўніцтва атрада, ні па яго даручэнні камандаванне якога б там ні было падраздзялення Луганскага атрада не вылучала», — паведамляе Памежная служба.
Між тым, кіраўнік Дзяржпамежслужбы Мікалай Літвін заявіў, што памежнікі рыхтуюцца да новых нападаў, а пытанне наземнай падтрымкі да гэтага часу «ў працэсе вырашэння».
Тэрарысты атакуюць луганскіх памежнікаў ўжо другія суткі, напярэдадні былі параненыя як мінімум 7 служачых.
