Масква пастаўляе ва Украіну гуманітарную дапамогу пры садзейнічанні сепаратыстаў, бо кіеўскія ўлады адмовіліся супрацоўнічаць з Расіяй, распавёў кіраўнік расійскага МЗС Сяргей Лаўроў на сустрэчы з генеральным сакратаром АБСЕ Ламбертам Заньерам.
«Мы звярнуліся з афіцыйнай просьбай да ўладаў у канцы мая па дазвол аб дастаўцы такой дапамогі. Нам афіцыйнай нотай у гэтым адмовілі, таму прадстаўляем дапамогу тымі спосабамі, якія ёсць у наяўнасці пры дапамозе апалчэнцаў, якія заклапочаныя тым, як іх жонкі, дзеці, бацькі і маці пераносяць гэтыя праблемы».
Лаўроў таксама заклікаў працягнуць працу спецыяльнай маніторынгавай місіі ва Ўкраіне і не адхіляцца ад «дарожнай карты», падрыхтаванай АБСЕ.
Заньер у сваю чаргу адзначыў, што некалькі назіральнікаў у цяперашні час сілай утрымліваюцца на ўсходзе Украіны, з імі страчана сувязь.