З Расеі ва Украіну праз захопленыя тэрарыстамі пункты пропуску на мяжы прайшла калона вайсковай тэхнікі з БТРаў, танкаў і браніраваных аўтамабіляў.
Пра гэта заявіў кіраўнік МУС Арсен Авакаў на брыфінгу ў чацвер, які транслявала «Грамадскае ТБ».
«З боку Расійскай Федэрацыі, у прыватнасці, у раёне Дзякава, ідзе пранікненне калон праз захопленыя тэрарыстамі пункты пропуску», — расказаў міністр.
Паводле яго інфармацыі, «праз гэтыя пункты зафіксавана праходжанне калон з БТРами, аўтамабілямі, у тым ліку браніраванымі, з артылерыйскімі прыладамі».
«У чацвер мы назіралі тры танкі, якія, па нашых дадзеных, прайшлі праз мяжу і знаходзіліся раніцай у Снежным. Пасля чаго два з іх рушылі па кірунку Горлаўкі. Яны былі атакаваныя нашымі Узброенымі сіламі. Ідзе бой», — распавёў Авакаў.
Паводле яго даных, «частка гэтай калоны знішчана».
Пазней з'явіліся фота- і відэаматэрыялы, якія пацвярджаюць гэта.
Цяпер чытаюць
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння25
Каментары