Месца ў мадэльным шэрагу BMW пад літарай Х, што пуставала пэўны час, запоўненае — 17 ліпеня ва ўсім свеце пачынаюцца продажы BMW X4. Адзін з аўтамабіляў ужо ў Мінску. З 16 чэрвеня ён даступны патэнцыйным кліентам для тэст-драйву.
На гэты сярэднепамерны спартыўны седан у вытворцы асаблівыя планы. Як паведаміў «Ежедневніку» кіраўнік аддзела продажаў і маркетынгу афіцыйнага імпарцёра BMW і MINI ў Беларусі Айварас Пекшыс, завод у Спартамбургу (ЗША), дзе вырабляецца аўтамабіль, жорстка кватуе імпарцёраў, бо вялікая цікаўнасць да навінкі, якая адкрыла новую нішу — красовер-купэ. Па перакананнях маркетолага, еўрапейцы адчулі неабходнасць у невялікім, але ёмістым аўтамабілі са спартыўным характарам. У гэтым годзе Беларусь атрымае ўсяго 20 машын, на 7 з якіх ужо зробленыя заяўкі.
Продажы стартуюць 17 ліпеня, першыя машыны з'явяцца ў Беларусі ў канцы лета. У лінейцы 6 матораў (тры бензінавыя і тры дызельныя) BMW EfficientDynamics магутнасцю ад 135 кВт/184 л.с. да 230 кВт/313 л.с., стандарт Еўра-6. Кошты ў Беларусі — ад 45 550 эўра за аўтамабіль з рухавіком xDrive 20d (190 л.с.) І 6-ступеністай механікай.
У Менску «прымерыць» можна толькі топавую версію з дызельным маторам xDrive30d — адзіны BMW X4 у нашай краіне. Яго кошт у «базе» — 62930 еўра, з улікам усталяваных опцый — каля 90 тысяч еўра.
Першы ў Беларусі BMW X4 апрануты ў камуфляж, які хавае дызайн да пачатку афіцыйных продажаў. «Ежедневнік» сеў за руль, калі на лічыльніку стаяў прабег у 179 км.
Эгаіст або эгаістка?
Створаная на адной платформе з Х3, «чацвёрка» пазіцыянуецца як аўтамабіль для эгаістычных адзіночак, максімум — пары. Пытанне толькі, эгаіст або эгаістка сядуць за руль. Адназначнага адказу няма — першым кліентам Мінскага шоу-рума, які пажадаў купіць Х4, стаў 30-гадовы мужчына, другі аўтамабіль абрала жанчына, за якую заплаціць муж.
Пры першай сустрэчы аўтамабіль не стварыў уражання «мужчынскага» або «жаночага». Хутчэй, спартыўнага — пакацісты дах у стылі Sport Activity Coupé плаўна спускаецца да канца вечка багажніка.
Акцэнт — на экалогію, якую пакуль не надта шануюць у Беларусі. Затое новыя тэхналогіі абяцаюць эканоміць паліва. Auto Start/Stop, рэкуперацыя энергіі тармажэння, апцыянальныя шыны з паменшаным супрацівам качэння і нават фары з нізкім каэфіцыентам супраціву берагуць каштоўныя мілілітры саляркі або бензіну.
Салон — адзін у адзін з Х3 — эстэтычнага шоку не выклікаў, тут практычна ніякіх змен. Дзяўчынкам відавочна не спадабаецца жорсткі пластык — гламуру ў салоне знайсці не ўдалося. Выгода кіравання бартавым камп'ютарам падчас руху і поўнакаляровы дысплэй, які выдае дадзеныя аб хуткасці на лабавое шкло з магчымасцю адрэгуляваць паказчык ўверх-уніз пад рост кіроўцы, ацэнім крыху пазней.
Затое ў купэ аказалася нечакана прасторна: ногі задніх пасажыраў не ўпіраюцца ў спінкі крэслаў, дах не цісне на галаву. Тут з лёгкасцю могуць размясціцца 4 чалавекі з багажом.
Багажнік паменшыўся да 500 л (мінус 50 л ад Х3), заднія крэслы складваюцца ў прапорцыі 40/20/40, адкрываючы прастору ў 1400л. Адкрываецца вечка багажніка з салона, зачыняецца кнопкай на вечку — рукі застаюцца чыстымі.
Усё для драйву, усё для перамогі
Разгледзець выштампоўку кузава, якая ўпершыню падзяляецца на дзве часткі, не атрымалася — камуфляж. Застаецца сесці за руль.
Аб'ектыўнасці ў ацэнцы хадавых якасцяў хапіла на некалькі секунд — пакуль «чацвёрка» не разагналася да забароненай хуткасці. Пра тое, што BMW перавышае дазваленую хуткасць, нагадала лічба, якая спраецыявалася на лабавое шкло. «Як, ужо 100 км/гадзіну?» — дзівішся сама сабе, але не спяшаешся дакранацца да педалі тормазу. — «Ну, трэба ж — а па адчуваннях, нібы цягнешся ў гарадскім патоку».
Праца 6-цыліндровага матора xDrive30d аб'ёмам 3.0 амаль бясшумная. Нагадаю: гэта дызельны матор, гук якога звычайна добра чутны кіроўцу. Але толькі не тут — шума- і вібраізаляцыя ў «чацвёркі» ідэальная. І не толькі. Пад капотам 258 коней, магутнасць — 560 Нм, разгон да 100 км / гадзіну — 5,8 секунды. Хутчэйшая за гэтую мадэль толькі версія з рухавіком xDrive35i — 5,5 секунд.
Спартыўны руль у спартанскім пластыку ідэальна лёг у рукі. Зрэшты, аздабленне не мае значэння, калі аўтамабіль на хуткасці лёгка ўваходзіць у паварот — для ўстойлівасці ў Х4 апушчаны клірэнс. Устойлівы і чэпкі — так, напэўна, кажуць аўтагоншчыкі пра свае машыны. Гэтымі ж словамі можна апісаць і Х4, з ўдакладненнем — нават кіроўца з сярэднімі здольнасцямі адчувае сябе за рулём надзейна.
Тэставы аўтамабіль абсталяваны спартыўнай каробкай-аўтамат, тут чатыры стандартныя рэжымы — Eco, Comfort, Sport, Sport+.
Eco і Comfort падыдуць для жанчыны: аўтамабіль далікатна «паглынае» няроўнасці на дарозе, кіраванне лёгкае. Пры руху ў гэтых рэжымах стрэлка тахометра падае да 1,2 тыс./Аб. Хочаш разагнацца — давядзецца пачакаць некалькі секунд, пакуль не «прачнецца» аўтамат. Ледзь спынішся — спрацоўвае сістэма Stop/Start.
У Sport і Sport+, разлічаных на мужчын, усё інакш. Руль і педаль газу «вострыя», тахометр не падае ніжэй за 2 тыс./Аб, найменшы націск на педаль газу — аўтамабіль паскараецца, пры спыненні Stop/Start ні разу не спрацаваў — рухавік працаваў у звычайным рэжыме.
Кросовер-купэ пазіцыянуецца як аўтамабіль для горада і ўмоў «лёгкай непраходнасці» — у Х4 усталявана інтэлектуальная сістэма поўнага прывада, як у новага Х5. Тэст па прасёлкавай дарозе атрымаўся: Х4 добры не толькі на асфальце. У рэжыме Comfort выбоіны не адчуваліся, аўтамабіль ішоў як па роўнай дарозе.
Крэсла ў тэставым аўтамабілі нязвыклага карычневага колеру. На наш погляд, не асабліва спалучаецца з чорным салонам, але цікавей, чым традыцыйны чорны, які звычайна заказваюць пакупнікі Х-серыі ў Беларусі. Самыя распаўсюджаныя колеры крэслаў і кузава — чорны і белы.
Застаецца думаць, што для ўладальніка BMW унутранае змесціва аўтамабіля значыць значна больш, чым яго знешні выгляд. У Х4 яно на ўзроўні. Таму, па здагадках «Ежедневніка», 20 машын, якія ўдалося атрымаць беларускім дылерам, разыдуцца задоўга да канца года. Цікава, колькі гаспадароў Х3 і Х6 вырашаць перасесці на «чацвёрку» ў 2015 годзе?
