Ён правёў за кратамі больш за 1 000 дзён — 2 гады, 10 месяцаў і 17 дзён.
Праваабаронца Алесь Бяляцкі афіцыйна вызвалены па амністыі. Пра сваё вызваленне ён даведаўся ўранку. Да электрычкі яго везлі на машыне «хуткай дапамогі». А 15.05 Бяляцкі прыбыў у Мінск на станцыю «Інстытут Культуры».
Першае інтэрв'ю Бяляцкага пасля вызвалення.
Алесь Бяляцкі прыбыў у Мінск — фотарэпартаж.
15.14
Бяляцкі на платформе ў атачэнні журналістаў.
15.12
Праваабаронца прыбыў у Мінск.
15.03
Чакае на платформе жонка Алеся Бяляцкага Наталля Пінчук.
14.45
На станцыі ўжо сабралося шмат жадаючых прывітаць Бяляцкага.
13.15
Алесь Бяляцкі патэлефанаваў жонцы Наталлі Пінчук, што ён вызвалены і едзе ў Мінск на электрычцы з Бабруйска.
«Я ехала ў вёску і не даехала. Алесь патэлефанаваў. Сказаў, што едзе на электрычцы ў Мінск. Я тэрмінова развярнулася і вяртаюся ў Мінск», — расказвае жонка праваабаронцы Наталля Пінчук.
Жонка Міколы Статкевіча Марына Адамовіч паведаміла, што электрычка з Бяляцкім прыбудзе на станцыю «Інстытут культуры» а 15:05.
***
Кіраўніка зачыненага ўладамі праваабарончага цэнтра «Вясна» затрымалі 4 жніўня 2011 года. Шмат гадоў ён збіраў грошы на дапамогу рэпрэсаваным і іх сем'ям. А ўлады яго звінавацілі ў нясплаце падаткаў і асудзілі на 4,5 года турмы. Праваабаронца сваёй віны не прызнаў і даказаў, што ўсе атрыманыя грошы ішлі на праваабарончую дзейнасць.
Грамадскасць успрыняла ягонае зняволенне як спробу застрашыць незалежнае грамадства. Еўрасаюз і ЗША таксама дабіваліся ягонага вызвалення.
Падставай для крымінальнага пераследу Бяляцкага стала інфармацыя пра банкаўскія рахункі, якую перадалі афіцыйнаму Мінску Літва і Польшча.
У 2012 і 2013 гадах Алесь Бяляцкі быў намінаваны на Нобелеўскую прэмію міру.
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары