Ізраіль нанёс некалькі авіяўдараў па сектары Газа ў адказ на ракетны абстрэл з боку палесцінскіх баевікоў.
Паводле ізраільскіх ваенных, у ноч на нядзелю самалёты разбамбілі ў Газе дзевяць аб'ектаў.
Раней па ізраільскай фабрыцы пад горадам Сдэрот былі выпушчаныя дзве ракеты, будынак загарэўся, параненыя чатыры чалавекі.
Напружанасць у рэгіёне ўзмацнілася пасля выкрадання ў сярэдзіне чэрвеня на Заходнім беразе ракі Ярдан трох ізраільскіх падлеткаў, у чым улады Ізраіля абвінавачваюць ХАМАС.
За час пошукаў падлеткаў ізраільскія службы бяспекі ўжо арыштавалі больш за 400 чалавек, якія, як заяўляе Ізраіль, падазраюцца ў тэрарыстычнай дзейнасці.
Тыдзень таму армія Ізраіля нанесла авіяўдары па ваенных аб'ектах на тэрыторыі Сірыі ў адказ на забойства ізраільскага падлетка-араба паблізу сірыйскай мяжы.