Менскі гарадзкі суд не задаволіў скаргі «Народнай волі»
Рэдакцыя газэты марна спрабавала аспрэчыць рашэньне Ленінскага раённага суду, які задаволіў пазоў кіраўніка ідэалягічнага ўпраўленьня адміністрацыі прэзыдэнта Алега Праляскоўскага да «Народнай волі» і яе супрацоўніцы Марыны Коктыш.
Марына Коктыш |
Рэдакцыя газэты марна спрабавала аспрэчыць рашэньне Ленінскага раённага суду, які задаволіў пазоў кіраўніка ідэалягічнага ўпраўленьня адміністрацыі прэзыдэнта Алега Праляскоўскага да «Народнай волі» і яе супрацоўніцы Марыны Коктыш.
Нагадаем, 1 кастрычніка суд вырашыў спагнаць на карысьць чыноўніка 25 мільёнаў рублёў з газэты і 2 мільёны з журналісткі.
Нагодай для пазову стаў артыкул Марыны Коктыш «Уладзімер Холад па‑ранейшаму знаходзіцца ў СІЗА», у якім згадваўся Алег Праляскоўскі.
Прэтэнзіі ў чыноўніка выклікаў фрагмэнт, у якім ішла гаворка пра чуткі ва ўладных калідорах, паводле якіх Уладзімер Холад браў грошы нібыта не для сябе, а для начальства.
Радыё Свабода