Пра гэта паведамляе сайт Віленскага аэрапорта.
«Пасажыры з суседняй Беларусі змогуць трапіць у Віленскі і Каўнаскі аэрапорты яшчэ хутчэй і зручней, — гаворыцца ў паведамленні. — Прадпрыемства «Лоукост», якое ўваходзіць у склад транспартнай групы «Алізана»,
пачынае ажыццяўляць экспрэс-рэйсы па маршруце Мінск — аэрапорт Каўнаса і назад. У гэтым месяцы маршрут будзе дапоўнены прыпынкам у Віленскім аэрапорце.
«Беларусы, у якіх ёсць шэнгенскія візы, падарожнічаюць ўсё часцей — у асаблівасці паветраным транспартам. Асабліва часта яны выбіраюць суседнія краіны, у тым ліку і Літву, для таго, каб хутчэй, зручней і танней трапіць у Еўропу. Цяпер пасажыры з Мінска могуць патрапіць у Вільню самалётам, цягніком ці аўтамабілем, а Каўнас з'яўляецца не такім даступным. Таму мы арыентуемся на напрамкі Каўнаскага аэрапорта, якія ахопліваюць вялікую частку Паўднёвай Еўропы, і шырокую карту рэйсаў з Вільні і імкнемся стварыць яшчэ адзін зручны спосаб для беларускага пасажыра вылецець з Літвы», — сказаў кіраўнік «Алізана» Андрэй Алексяюк.
У час летняга авіяцыйнага сезону экспрэс-рэйсы з Мінскага аэрапорта ў Віленскі і Каўнаскі аэрапорты будуць ажыццяўляцца два разы на дзень новымі пасажырскімі міні-аўтобусамі Mercedes. Падчас зімовага сезону перавозка будзе арганізавана з улікам раскладаў рэйсаў.
«Наша мэта — сустрэць з Мінска пасажыра ў Віленскім аэрапорце праз 2 гадзіны пасля выезду з Мінска, ў Каўнаскім аэрапорце - адпаведна, праз 3 гадзіны», сказаў генеральны дырэктар ГП «Аэрапорты Літвы», які аб'ядноўвае Віленскі, Ковенскі і Палангскі аэрапорты, Гедымінас Алмантас.
