Сайт Еўрапейскага цэнтральнага банка зазнаў хакерскую атаку, у выніку якой былі выкрадзеныя адрасы электроннай пошты і кантактная інфармацыя тысяч зарэгістраваных карыстальнікаў, паведамляюць інфармагенцтвы.
Невядомыя зламыснікі ўзламалі базу звестак ЕЦБ, якая ўтрымоўвала кантактную інфармацыю аб кліентах, якія падпісаліся на рассылку аб канферэнцыях і мерапрыемствах арганізацыі.
Кіраўніцтва банка даведалася аб тым, што здарылася пасля таго, як атрымала ананімны ліст ад чалавека, што патрабаваў выкуп за вяртанне дадзеных.
Паліцыя пачала расследаванне. У банку тым часам запэўніваюць, што важная інфармацыя не раскрытая, бо выкрадзеная база дадзеных захоўвалася асобна ад унутранай сеткавай сістэмы ўстановы.
0
0
0
0
0
0