Рух усіх відаў транспарту будзе закрыты на плошчы Бангалор у Мінску ў гэтыя выхадныя — 26 і 27 ліпеня, паведаміла БелТА кіраўнік прэс-службы ДАІ Мінска Таццяна Харлінская.
Плошчу перакрыюць у сувязі з рамонтнымі працамі, у тым ліку гэта будзе асфальтаванне праезнай часткі.
Акрамя таго, 26 і 27 ліпеня будзе закрыты рух па вуліцы Тухачэўскага з боку вуліцы Грэкава ў напрамку вуліцы Куляшова ў сувязі з рамонтам цеплатрасы.
З 28 ліпеня па 25 жніўня будзе абмежаваны рух транспарту на вуліцы Маскоўскай на ўчастку ад вуліцы Бабруйскай да вуліц Талстога, таксама ў сувязі з рамонтам цеплатрасы.
Сталічная Дзяржаўтаінспекцыя рэкамендуе кіроўцам загадзя планаваць маршрут свайго руху з улікам гэтай інфармацыі.
0
0
0
0
0
0
