Галоўным следчым упраўленнем праводзяцца працэсуальныя дзеянні па крымінальнай справе аб карупцыі ў дачыненні да службовых асобаў ААТ «Нафтан» (Наваполацк).
Падставай для завядзення крымінальнай справы паслужылі матэрыялы Галоўнага ўпраўлення па барацьбе з арганізаванай злачыннасцю і карупцыяй Міністэрства ўнутраных спраў, паведаміла ў сваім фэйсбуку афіцыйны прадстаўнік Следчага камітэта Юлія Ганчарова.
У межах крымінальнай справы затрыманыя намеснік генеральнага дырэктара і шэраг іншых службовых асоб названага акцыянернага таварыства, а таксама кіраўнікі прадпрыемстваў рэальнага сектара эканомікі.
Дзеянні падазраваных кваліфікаваныя па ч.3 арт. 424 (Злоўжыванне службовымі паўнамоцтвамі) Крымінальнага кодэкса Рэспублікі Беларусь.
Ажыццяўляюцца следчыя дзеянні, накіраваныя на ўстанаўленне ўсіх абставінаў здзяйснення гэтых злачынстваў.
Праводзіцца расследаванне.
-
Да маці беларускага вандроўніка, які здзейсніў кругасветку, прыходзілі сілавікі
-
Прапагандысты пасля роліку ў тыктоку паехалі ў вясковую краму — там ужо ўсе задаволеныя, а паліцы поўныя
-
«Не ведаю, што вы там выпраўлялі, але мінус як быў так і застаўся». Кліенты банкаў працягваюць скардзіцца на няправільныя балансы
Цяпер чытаюць
Польшча прызнала Аляксандра Машэнскага непажаданай асобай35
Каментары