Калона ўкраінскіх дэсантнікаў у чацвер трапіла ў засаду пад Шахцёрскам у Данбасе, страты сіл антытэрарыстычнай аперацыі ўдакладняюцца.
Пра гэта паведамляюць прэс-цэнтр АТА і Дзмітрый Тымчук з «Інфармацыйнага супраціву»,
У чацвер вечарам паведамлялася, што баевікі абстралялі з мінамётаў калону вайскоўцаў у Шахцёрску, ішлі баі.
Паводле папярэдніх звестак прадстаўніка АТА Уладзіслава Селязнёва, два чалавекі загінулі, былі яшчэ параненыя.
Пасля крыніцы «Грамадскага ТБ» са спасылкай на валанцёраў і саміх ваенных паведамілі, што падчас абстрэлу вайсковай часткі А1126 загінуў 21 баец, у тым ліку камандзір 2-га батальёна, таксама было вельмі шмат параненых.
Пазней была назавана лічба ў 10 загінулых.
Параненых на верталётах транспартавалі ў Днепрапятроўск.
«Толькі што мне на мабільны патэлефанавалі з падраздзялення Бруна Сантаса. Па іх «лупяць» з 4-х бакоў «Град».
Яны развіталіся. Сказалі: шанцаў няма. Ніхто нічога ім не прывёз, ніякага падмацавання і забеспячэння не было», — казала крыніца.
