Санкт-Пецярбургскі квартал у Мінску пабудуюць у раёне вул. Філімонава.
Пра гэта паведаміў сёння ў час анлайн-канферэнцыі на сайце БелТА першы намеснік міністра архітэктуры і будаўніцтва Беларусі Аляксандр Кручанаў.
Будаўніцтва прадугледжана сумеснай беларуска-расейскім праектам, згодна з якім на тэрыторыях Санкт-Пецярбурга і Мінска з'явяцца жылыя кварталы — Беларускі і Санкт-Пецярбургскі адпаведна.
«Для будаўніцтва квартала ў Мінску расійскаму боку было прапанавана некалькі варыянтаў размяшчэння, у выніку быў абраны ўчастак у раёне вуліцы Філімонава. У Санкт-Пецярбургу таксама абраны зямельны ўчастак, для забудовы нам прапануюць каля 10 га. Мы былі гатовыя пачаць будаўніцтва ўжо ў гэтым годзе, але ўчастак у Санкт-Пецярбургу пакуль знаходзіцца ў федэральнай уласнасці, перавод яго ў муніцыпальную ўласнасць зойме некаторы час», — адзначыў Аляксандр Кручанаў.
