У Мінску прайшоў устаноўчы з’езд «Краёвага згуртавання літвінаў»
У Мінску 4 жніўня адбыўся ўстаноўчы з’езд грамадскага аб’яднання «Краёвае згуртаванне літвінаў». На з’ездзе прысутнічала 50 асобаў.
Старшынёй арганізацыі абраны Аляксандр Стральцоў, яго намеснікамі — Аляксандр Капуцкі і Андрэй Аляхновіч. Апроч іх трох, у Раду арганізацыі ўвайшлі Дзмітрый Вайцяховіч і Сяргей Брыцікаў.
5 жніўня рэгістрацыйныя дакумэнты арганізацыі былі пададзеныя ў Міністэрства юстыцыі Беларусі.
Паводле статуту арганізацыі, асноўнымі мэтамі ГА «Краёвае згуртаванне літвінаў» з’яўляюцца
выхаванне і адраджэнне нацыянальна-культурнай самасвядомасці літвінаў Беларусі — нашчадкаў палітычнага народу Вялікага Княства Літоўскага,
кансалідацыя літвінскай супольнасці Беларусі і спрыянне росту павагі да гісторыка-культурнай спадчыны літвінаў.
Гэта ўжо не першая спроба рэгістрацыі. На ўсе ранейшыя спробы зарэгістраваць «Краёвае згуртаванне літвінаў» Мінюст адмаўляў.
-
«Не проста запальваем, а адраджаем традыцыю». Ліхтаршчык з Брэста расказаў пра магію святла, гузік на ўдачу і старадаўнюю музыку
-
У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля
-
Беларусь займае другое месца па папулярнасці для студэнтаў з Расіі
Паветраная гімнастка паказала закуліссе працы ў Белдзяржцырку7
Каментары