КДБ распаўсюдзіў па СМІ і сацыяльных сетках папярэджанне аб небяспецы вярбоўкі грамадзян Беларусі прадстаўнікамі «сепаратыстаў» Данбаса, паведамляе радыё «Свабода».
«Апошнім часам пачасціліся выпадкі спроб вярбоўкі неўстаноўленымі асобамі грамадзян Рэспублікі Беларусь для ўдзелу ў баявых дзеяннях у складзе «народнага апалчэння» непрызнаных рэспублік паўднёвага ўсходу Украіны. Дадзеныя асобы пры гэтым могуць апеляваць да вашых патрыятычных пачуццяў, а таксама абяцаць значнае грашовае ўзнагароджанне», — гаворыцца ў папярэджанні.
КДБ нагадвае, што баявыя дзеянні на тэрыторыі суседняй сяброўскай дзяржавы не падтрымліваюцца прэзідэнтам і ўрадам Рэспублікі Беларусь, а таксама папярэджвае грамадзян аб крымінальнай адказнасці па артыкуле «найміцтва» — ад трох да сямі гадоў з канфіскацыяй маёмасці, паводле беларускага заканадаўства.
Пра выпадкі такой вярбоўкі просяць паведамляць на тэлефон даверу КДБ.
Пазней з'явілася інфармацыя, што КДБ не мае дачынення да такіх абвестак.
Цяпер чытаюць
Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі14
Каментары