Збіццём скончылася рамантычная прагулка ў к. п. Нарач (Купа).
Позна ўвечары 12 жніўня ля ўзбярэжжа возера Нарач два юныя жыхары Мінска прагульваліся з дзяўчатамі. Да іх падбеглі два хлопцы і збілі мінчан. Наносілі ўдары па твары і тулаве, у тым ліку драўлянай палкай. Юнакам прычынілі цялесныя пашкоджанні.
Хуліганаў хутка адшукалі. Гэта былі два мясцовыя хлопцы (адзін з іх – непаўналетні), расказаў намеснік начальніка Мядзельскага райаддзела Следчага камітэта Аляксандр Штура.
Паводле папярэдняй інфармацыі прычынай нападу стала жаданне правучыць мінчан, бо тыя прагульваліся з мясцовымі дзяўчатамі.
Нарачанцы затрыманыя, знаходзяцца ў ізалятары часавага ўтрымання. Завялі крымінальную справу за асабліва злоснае хуліганства.
0
0
0
0
0
0