Выканаўчы камітэт Данецкага гарадскога савета прыняў рашэнне перанесці пачатак заняткаў у навучальных установах горада. Пра гэта паведамляе прэс-служба гарсавета.
Дату пачатку навучальнага года ў Данецку абяцаюць назваць пазней.
«Дата пачатку навучальнага года будзе вызначана з улікам змянення сітуацыі ў горадзе, якая гарантуе бяспеку жыцця і здароўя ўдзельнікам вучэбна-выхаваўчага працэсу», - гаворыцца ў заяве прэс-службы.
Зараз кіраўнікам школ даручылі арганізаваць дыстанцыйнае навучанне дзяцей да пачатку вучэбна-выхаваўчага працэсу.