itar-tass.com
Рух расійскай гуманітарнай калоны грузавікоў па тэрыторыі Украіны ў суправаджэнні ўзброеных сепаратыстаў у Службе бяспекі Украіны расцанілі як «прамое ўварванне» з боку Расіі.
Як перадае Reuters, пра гэта заявіў кіраўнік Службы бяспекі Украіны Валянцін Налівайчанка.
Раней стала вядома, што расійскія грузавікі з гуманітарнай дапамогай ідуць па тэрыторыі Украіны ў бок Луганска ў суправаджэнні узброеных сепаратыстаў. «Мы гарантуем бяспеку гуманітарнага грузу і асоб, што яго суправаджаюць. Калона рухаецца пад аховай апалчэнцаў», — заявілі яны.
Разам на брыфінгу РНБА у Кіеве было заяўлена, што ва Украіну рухаюцца яшчэ, апроч тых 34 Камазаў, 90 нікім не правераных грузавікоў з Расійскай Федэрацыі.
Пра гэта падчас брыфінгу паведаміў спікер інфармцэнтра АНБА Андрэй Лысенка.
«Як толькі стала вядома, у бок ўкраінскай мяжы пачаўся рух яшчэ 90 грузавікоў, у якіх расійскім бокам не былі дапушчаныя ні ўкраінскія памежнікі і мытнікі, ні прадстаўнікі Міжнароднага камітэта Чырвонага Крыжа», - сказаў ён.
