Шэраг грамадзян вызваляюцца ад платы за карыстанне ліфтам. Такое рашэнне ўтрымліваецца ў пастанове № 14 Міністэрства жыллёва-камунальнай гаспадаркі ад 28 ліпеня 2014 года, паведамілі ў Нацыянальным цэнтры прававой інфармацыі.
Дакументам устаноўлена, што плата за карыстанне ліфтам не спаганяецца з фізічных асоб, якія з'яўляюцца плацельшчыкамі жыллёва-камунальных паслуг, якія па стане здароўя не могуць карыстацца ліфтам.
Паводле пастановы Міністэрстваа аховы здароўя № 59 ад 18 ліпеня 2014 года да такіх асоб адносяцца:
- асобы, якія пакутуюць на захворванні сардэчна-сасудзістай сістэмы ў стадыі дэкампенсацыі, калі рэзка абцяжарана самастойнае перамяшчэнне, ішэмічнай хваробай сэрца, парушэннем кровазвароту II-Б–III стадыі;
- асобы, якія пакутуюць на захворванні бронхалёгачнай сістэмы, да якіх адносіцца дыхальная недастатковасць III ступені з парушэннем кровазвароту II–III ступені;
- асобы з цяжкімі наступствамі неўралагічных захворванняў ці траўм, якія прыводзяць да немагчымасці перамяшчэння ці рэзкага абмежавання перамяшчэння, арыентацыі: геміплегія ці рэзка выяўлены тэтра- ці геміпарэз; параплегія ці рэзка выяўлены парапарэз; выяўленая сэнсарная афазія;
- інкурабельныя пацыенты, што пакутуюць на анкалагічнае захворванне;
- асобы, якія перамяшчаюцца ў калясках, уключаючы крэслы-каляскі, велакаляскі, пры адсутнасці грузавога ліфта ў жылым доме і немагчымасці заязджаць у ліфт на калясцы з-за неадпаведнасці габарытаў і (ці) адсутнасці пандусаў.
Для вызвалення ад платы за карыстанне ліфтам неабходна падаць заяву і неабходныя дакументы.
Указаныя пастановы набываюць моц 28 жніўня 2014 года.
