Супрацоўнікі СБУ затрымалі на Луганшчыне радавога 9-й асобнай мотастралковай брыгады Узброеных Сіл РФ, якая дыслакуецца ў Растоўскай вобласці.
Пра гэта УНІАН паведамілі ў прэс-службе СБУ.
У заяве гаворыцца, што затрыманы Хахлоў Пётр Сяргеевіч, 1995 г.н., падчас допыту паведаміў, што яго вайсковая частка перадае баевікам з «ЛНР» і «ДНР» ваенную тэхніку і боепрыпасы.
У прыватнасці, баевікі рэгулярна атрымліваюць ад Расіі сістэмы залпавага агню БМ-21 «Град», БМП-2, БТР-80.
«Нам распавядалі, што перадавалі машыны чачэнцам», — адзначыў Хахлоў, дадаўшы, што пасля тэхніку павінны былі атрымаць тэрарысты.
Затым, па сведчанні ваеннага, яе адправілі ў Данецк.
У час знаходжання ва Украіне Хахлоў таксама даведаўся, што баявікам плацяць па «150 тысяч [расійскіх рублёў — каля 45 млн беларускіх] у месяц».
Як прызнаўся ваенны, яны разам з таварышам па частцы вырашылі пакінуць расійскую армію і ваяваць у складзе тэрарыстаў.
Каб схаваць дачыненне УС РФ да забеспячэння тэрарыстычных арганізацый цяжкім узбраеннем, расійскія вайскоўцы па загадзе камандзіраў фізічна знішчалі на ваеннай тэхніцы завадскую маркіроўку, нумары, сімволіку і эмблемы - усё, што дазваляла б ўстанавіць яе паходжанне, распавёў вайсковец.