У заапарку кітайскага горада Ханчжоу (правінцыя Чжэцзян) нарадзілася чорнае тыграня, палоскі якога немагчыма ўбачыць няўзброеным вокам.
Як паведамляе The Daily Mail, прычынай такой рэдкай расфарбоўкі стала тое, што бацькі жывёлінкі паходзяць з адной папуляцыі.
Зараз тыграня жыве ў доме аднаго з работнікаў заасада, а малаком яго корміць сабака. Чаму жывёла не знаходзіцца разам з бацькамі, не ўдакладняецца.
Тлумачачы паходжанне незвычайнай афарбоўкі тыграня, The Daily Mail адзначае, што палосы пашырыліся да зліцця, што зрабіла іх практычна незаўважнымі.
Гэта адбылося ў выніку зменаў, якія называюць абундызмам. Прычынай такой афарбоўкі магла стаць мутацыя.
Абундызм распаўсюджаны сярод вялікіх котак, якія пражываюць у густых лясах. Гэта звязана з тым, што цёмная афарбоўка робіць іх менш прыкметнымі. Тыграм, як жывёлам, якія пражываюць на адкрытай мясцовасці, такая афарбоўка не ўласцівая.
