А 13-й гадзіне на станцыі мэтро "Купалаўская" быў спынены рух цягнікоў. Прычына - пад цягнік кінуўся чалавек.
Пасажыраў папрасілі ачысьціць платформу, а ў хуткім часе ўвогуле перагарадзілі доступ на станцыю.
***
Пацярпелы быў дастаўлены ў 9-ю клінічную больніцу з чэрапна-мазгавой траўмай у вельмі цяжкім стане і памёр праз 40 хвілін, нягледзячы на намаганьні мэдыкаў. Паводле слоў дзяжурнага ўрача, ён атрымаў "несумяшчальныя з жыццём траўмы".
Дзяжурны ГУУС Мінгарвыканкама паведаміў, што ўстанавіць асобу загінулага пакуль не ўдалося, бо пры ім не было дакументаў. Паводле ўдакладненых звестак, мужчыне было прыкладна 40-45 гадоў. Праверкай абставінаў здарэння займаецца пракуратура. На гэты момант пацвярджаецца версія самагубства.