Сёння Расія фактычна знаходзіцца ў стане вайны з Еўропай.
Такую заяву зрабіла прэзідэнт Літвы Даля Грыбаўскайтэ, прыбыўшы на саміт ЕС у Бруселі.
«Цяпер Расія фактычна знаходзіцца ў стане вайны з Украінай — краінай, якая імкнецца да больш блізкай інтэграцыі з ЕС. Такім чынам, думаю, можна сцвярджаць, што Расія сёння знаходзіцца ў стане вайны з Еўропай», — сказала яна.
Паводле пераканання прэзідэнта Літвы, ЕС павінен дапамагчы Украіне ў першую чаргу «ваенным абсталяваннем».
Грыбаўскайце назвала санкцыі ЕС «занадта агульнымі» і выказала надзею, што НАТА прадаставіць Украіне вялікую дапамогу.
Паводле яе слоў, вялікай памылкай ЕС з'яўляецца тое, што цяперашнія санкцыі тычацца толькі будучых кантрактаў з Расіяй, а не ўжо існых.
«Нам варта перастаць падманваць сябе і слухаць хлусню Пуціна», — сказала Грыбаўскайце.
Нагадаем, падчас прэс-канферэнцыі па выніках сустрэчы прэзідэнт Еўракамісіі Барозу заявіў, што ЕК падрыхтавала дзяржавам-сябрам варыянты адносна санкцый супраць Расіі.