Ва ўсіх сем'ях, дзе ёсць дзеці, год пачынаецца не з 1 студзеня, а з 1 верасня. Ізноў у школу, усё прыстасоўваецца да новага графіка. Тое самае і ў педагогаў.
Як бы ні было, а школа фармуе чалавека, грамадзяніна. Настаўнік — самая важная прафесія. Шкада, што так недаацэненая ў сённяшняй Беларусі.
А веды — галоўнае для чалавека. «Вучыся, нябожа, вучэнне паможа!» — мы ўсе ведаем гэтыя радкі Янкі Купалы. Але не шмат хто памятае іх працяг: «Вучыся, нябожа, вучэнне паможа! Змагацца з нядоляй, няволяй».
У добрую дарогу, дзеці, юнакі! Энергіі педагогам!
* * *
Першы ўрок сёлета будзе прысвечаны міру. «Дзякуй салдатам Перамогі за тое, што не ведаем вайны». Тэма актуальная праз падзеі ва Украіне, але не без кан'юнктурнасці.
0
0
0
0
0
0